Lal Kitab kundli banane se lekar gehri vivechna, upay aur professional report tak — ek hi software mein sab kuch, saral Hindi mein. Neeche har feature detail mein samjhaya gaya hai.
Free Kundli BanayeinEk hi kundli ke chaar alag-alag Lal Kitab view — har ek par grah par tap karke poori vivechna.
Janm tareekh, samay aur jagah se aapki Lal Kitab Janam Kundli banti hai. North-Indian chart mein har grah dikhta hai — kisi bhi grah par tap karke uska poora faladesh, upay aur savdhaniyan padhein. Lagna se lekar har ghar ki sthiti saaf.
Lal Kitab ke 36-saala chakra ke anusaar har saal ki alag kundli. ‹ › se koi bhi saal chunें — us saal ke active ghar, varshik grah sthiti aur us saal ke khaas indications turant saamne.
Chandrama ko reference bana kar banti hai — har ghar ki disha (East, West, North, South) ke saath. Emotional patterns, mann ki sthiti aur practical jeevan ke sanket ka alag, gehra view.
Vartaman grah gochar (transit) — birth chart ke context mein aaj kaunsa grah kahan chal raha hai. Gochar lagna ke saath current samay ka haal.
Kundli kholte hi zaroori sab kuch upar summary mein — dhoondhne ki zaroorat nahi.
Naam, janm tareekh, samay, sthan, janm vaar, umar, suryoday/suryast aur janm nakshatra — sab ek jagah saaf-saaf.
Abhi kaunsi dasha chal rahi hai, chalu arsa ka time range (jaise Oct 2020–Oct 2026), aur chalu madhya (grah » grah) — vartaman samay samajhne ke liye.
Jeevan ank (moolank), is saal ka ank aur is mahine ka ank — Lal Kitab numerology ke saath.
Lal Kitab ke 36-year cycle mein is saal kaunsa ghar sakriya (active) hai — jeevan ke current phase ka sanket.
Kismat jagane wala grah kaunsa hai, aur uska upay ho sakta hai ya nahi — turant pata chalta hai.
MyLalKitab ka dil — har grah aur har ghar ki gehri, saral Hindi vivechna.
Chart mein kisi bhi grah (Surya se Ketu) par tap karein — us grah ka aapki kundli mein kya asar hai, kya karega, aur uska saral upay — sab khul jaata hai.
12 jeevan categories (Vyaktitva, Ghar-Parivar, Career, Sehat…) mein grah ghar ke hisaab se phal + turant upay. Soya/jaaga grah ka farak bhi bataya jaata hai (phal mein deri sambhav).
Har ghar ka matlab, uske grah aur uska jeevan par asar — ghar-dar-ghar.
Har ghar (1 se 12) kis cheez ka hai (swabhav, dhan, himmat, maa, santaan…), usme kaunse grah baithe hain, us ghar ka malik grah kahan gaya, ghar jaaga hai ya soya, aur us par kis grah ki nazar hai.
Khali ghar apne aap detect hote hain — jaise 10va (karm) ghar khali = Lal Kitab mein "andha teva". Iska jeevan/career par kya asar hoga aur kiski salah roshni degi, ye bhi bataya jaata hai.
Random remedies nahi — aapki kundli ke hisaab se sahi upay, sahi niyam ke saath.
Kis dikkat ke liye kaunse ghar aur grah — Financial/Marriage/Relationship → 3,7,11 ghar; Job/Loan/Career → 2,6,10 ghar; Health/Child/Education → 1,5,9 ghar; Legal/Abroad/Loss → 4,8,12 ghar. Turant pata chalta hai kahan kaam karna hai.
Lal Kitab ke asli niyam — lagna kundli ke upay nahi karne, savdhaniyan sabhi karni, aur upay varshik kundli ke hisaab se — taaki galat upay se nuksaan na ho.
Deep analysis ke liye 15 khaas tools — Janam aur Varshik dono kundli ke liye. Kisi par tap karein, wahi chart ke saath khulta hai.
Har grah ki Lal Kitab ke hisaab se sthiti — uch/neech, jaaga/soya, mitra/shatru.
Kundli par lagne wale asli Lal Kitab niyam aur grahon ke combination (sanyojan) rules.
Do ya zyada grah jab ek saath hon (yuti) to unka milaa-jula asar — vistaar se.
Lal Kitab ke artificial/combined (masnui) grahon ke concept aur unke sambhav asar.
Kaunsa grah kis par nazar daal raha hai — mitra ya shatru nazar.
Aamne-saamne baithe grahon ki takkar aur uska parinaam.
Grahon ke aapsi rishte aur ek grah doosre ki kaise sahayata (saheta) karta hai.
Kundli ke chhipe sanket — dhoka, buniyad (neenv), achanak chot aur Mangal ka bura asar.
Purvajanm/karmic rin aur kis sambandh par uska asar — Lal Kitab ke symbolic indicators ke saath.
Jab koi grah pidit (kamzor) hota hai to apna dosh kisi doosre grah par daal deta hai — usi ko "bali ka bakra" kehte hain.
Har pidit grah ke liye — wo kyun pidit hai (dushman ke ghar/saath/nazar), kis grah ko bakra bana raha hai, aur uska jeevan mein asli asar (jaise vyapar, sehat, paisa). 7 bakre tak ka poora vishleshan.
Har grah aur har ghar se juda "saaman" aur disha — Lal Kitab ka anokha concept.
Har grah aur har yuti (jaise Shukra+Rahu, Mangal+Shukra) ka apna tab. Item wahi rehta hai par disha Janam aur Varshik kundli mein alag hoti hai (saal badalte hi disha bhi badalti hai).
Har ghar mein juda saaman aur uski disha (East wall, South wall, Center…). Kul kitna saaman, kaunse ghar mein — sab organized. Do grah ek ghar mein hon to unka combination saaman bhi.
Har grah kis rishtedaar/vyakti ko darshata hai — Pita, Raja, Boss, Sarkaar, aur bahut kuch.
Parampara ke anusaar naam ka pehla akshar chandra rashi ke hisaab se.
Aapki (ya bacche ki) chandra rashi ke hisaab se naam ka pehla akshar. Kisi bhi rashi par tap karein — ladke aur ladki dono ke naam ke udaharan aa jaate hain. Sabhi 12 rashi cover.
Lal Kitab mein har rishtedaar ki kundli aapki janam kundli ko ghuma kar banti hai.
Aapki kundli ka koi ghar us rishtedaar ka Lagna ban jaata hai — Pita (Ghar 10), Mata (Ghar 4), Patni (Ghar 7 + Chandra), Dada (Ghar 9), Bada/Chhota Bhai-Behen, Santaan… Kisi par tap karein — uski poori kundli aur grah vivechna khul jaati hai.
Professional kaam ke liye — aur poore system ki khoobiyan.
Poori kundli ki report — aapke naam aur logo ke saath (White-Label). Client ko dene layak professional PDF, ek click mein Print/PDF.
Client ki kundli banakar 1-2 click mein grah faladesh, niyam, nishaniyan, savdhaniyan, upay, shubh-ashubh, varshik — sab chun kar report taiyar.
Koi app install nahi — sirf WhatsApp number aur OTP se login. Pehli kundli bilkul free.
Plan khatam ho jaaye to bhi aapki kundliyan kabhi delete nahi hoti — bas naye content ke liye plan lena hota hai. Content protection bhi (watermark).
Mobile, tablet, desktop — browser par kahin bhi. Saral Hindi (aur English) support.
Pehli kundli bilkul free banayein aur ye saare features apni kundli par try karein.
Free Kundli Banayein Pricing Dekhein